Април 2021
Наслов:КАЗНАТА ЗАТВОР ВО КРИВИЧНО ЗАКОНОДАВСТВО НА РЕПУБЛИКА СЕВЕРНА МАКЕДОНИЈА
Автор: Верка Костовска, Основен суд Тетово, Р. Северна Македонија
УДК број:343.812:343.2/.7(497.7)
ISSN (принт) 1857-9299
ISSN (онлајн) 1857-9302
АПСТРАКТ:
Казните како вид санкции изречени на сторители на кривични дела
секогаш го имале вниманието на правната наука, но и на јавноста. Прашањето
за видот на казни и нивниот режим како низ историјата, така и денес отвара
низа дилеми за нивната оправданост, претерана строгост или благост на
казнениот систем. Казната затвор како најтешка санкција во најголемиот број
казнени системи е постојано тема за истражување и анализа, пред се по однос
на прашањето за оправданоста од долготрајните казни затвор, позитивни
и негативни придобивки, начинот на извршување на казната, нејзината
хуманизација. Посебно внимание завзема оценката на режимот на оваа
најстрога санкција во корелација со исполнување на целите на казнување
определени во самиот закон. Всушност остварувањето на правдата, од една
страна и ресоцијализацијата на сторителот на кривичното дело и превенцијата
како генерална така и специјална , од друга страна понекогаш изгледаат како
две сосема спротивни цели. И, на крај сепак она што е најбитно за сите нас, и
што е цел на оваа излагање е дали законското решение за режимот на казната
затвор, во неговата примена во судската практика дава, според нас, доволно
можност за остварување на правдата и другите во самиот Кривичен законик
определени цели, или пак е потребно негово дополнување или измена и во
кој правец.
КЛУЧНИ ЗБОРОВИ:
казна, казна затвор, санкција, Кривичен законик
