Април 2021
Наслов:ИТЕРНАЦИОНАЛИЗАЦИЈА НА СУДИРОТ ВО СФРЈ И МЕЃУНАРОДНИОТ ФАКТОР
Автор:Горанчо Јакимов, Драган Ѓурчевски, Меѓународен Славјански Универзитет
УДК број:327.7/.8:355.48(497.1)
ISSN (принт) 1857-9299
ISSN (онлајн) 1857-9302
АПСТРАКТ:
Со своето дипломатско дејствување Хрватска ќе настојува ЈНА да ја
претстави како војска на Србија и агресор врз хрватското население и територија.
Таа на секој можен начин ќе настојува да добие што поширока афирмација во
светот и ќе настојува да се прикаже како жртва во целата ситуација. Во своите
сецеонистички идеи во текот на целото нејзино дејствување таа ќе ја ужива
подршката кај СР Германија која по обединувањето ќе претставува голема
европска сила. Хрватите ќе настојуваат на нивна територија Европската Заедница
да испрати свои набљудувачи со што сакале да покажат дека тие не се поттикнувачи
на судирите. Но за Србија прифаќањето на набљудувачи на Европската Заедница
значело окупација односно автоматски трансформирање во нејзин протекторат.
На состанокот на дванаесетте членови на Европската Заедница (ЕЗ) во ХАГ,
мнозинството од земјите на ЕЗ ќе се сложат со оценката дека во Југославија ќе
мора да бидат испратени трупи под контрола на ЕЗ.
КЛУЧНИ ЗБОРОВИ:
ЈНА, Србија, Европска Заедница, Хрватска, протекторат, ХАГ.
