Втор ден од Меѓународниот филозофски дијалог: исток-запад
Прв меѓународен филозофски дијалог: исток-запад на тема „Наука и религија“
2 септември 2015
Се одржа седмиот Меѓународен дијалог: исток-запад
15 април 2016
Во Скопје, Свети Николе и Охрид од 2 до 4 септември се одржува ПРВИОТ МЕЃУНАРОДЕН ФИЛОЗОФСКИ ДИЈАЛОГ ИСТОК–ЗАПАД – СИМПОЗИУМ НА ТЕМА „НАУКА И РЕЛИГИЈА“ со учество на истакнати филозофи од Русија, Велика Британија, Србија, Хрватска, БиХ, Грција, Албанија и Македонија.
Од 2 до 4 септември во Скопје, Свети Николе и Охрид за првпат се одржува Меѓународен филозофски дијалог „ИСТОК – ЗАПАД“ на тема „Наука и религија“. На конференцијата учество имаат истакнати научници и филозофи од Русија, Велика Британија, Србија, Хрватска, БиХ, Грција, Албанија и Македонија, а настанот е во организација на Македонската Академија на Науките и Уметностите, Меѓународиот Славјански Универзитет „Гаврило Романович Державин“ – Свети Николе и Филозофско друштво на Македонија. Симпозиумот го отвори академик Владо Камбовски, кој во МАНУ беше домаќин на првата работна сесија од симпозиумот. Линк до написот:
Втората работна сесија започна со обраќањето на ректорот на Меѓународиот Славјански Универзитет „Гаврило Романович Державин“, професор д-р Душан Николовски:
„Комплексните прашања за односот на науката и религијата заслужуваат посебно внимание во денешни услови, кога човекот секојдневно се запрашува за смислата на сопственото постоење и за природата на нештата.“
На втората сесија, свои излагања имаа Игор Евлампиев – професор на Факултетот за историја на руската филозофија на Универзитетот во Санкт Петербург, Марија Селак – професор на Факултетот за филозофија на Универзитетот во Загреб, Миколај Славковски – предавач на катедра за филозофија во Универзитетот во Оксфорд, Ристо Солунчев – професор на Филозофскиот факултет на Универзитетот „Св. Кирил и Методиј“ – Скопје, и останати учесници кои со своите научни погледи допираат до практичните филозофски прашања кои го засегаат секој современ човек.
Симпозиумот продолжува утре во Охрид, и се предвидува да заврши со потпишување на Декларација за мир која ќе биде предадена на Генералниот секретар на ОН, Бан Ки-Мун, со надеж дека истата ќе биде пренесена до сите членки на Обединетите Нации.
