Април 2021
Наслов:ВИДОВИ СПОРОВИ ПОГОДНИ ЗА РЕШАВАЊЕСО МЕДИЈАЦИЈА
Автор: Елизабета Спироска, Слаѓана Анѓелкоска, МСУ „Г. Р. Державин“ Свети Николе – Битола, Р. Северна Македонија
УДК број:347.965.42
ISSN (принт) 1857-9299
ISSN (онлајн) 1857-9302
АПСТРАКТ:
Медијацијата може да ја дефинираме како постапка во која медијаторот
им помага на спротивставените страни да преговараат за спорните прашања и да
постигнат сопствена заедничка спогодба прифатлива и за двете спротивставени
страни. како таква медијацијата им овозможува на страните да ги избегнат долгите и скапи судски постапки, да ја зачуваат приватноста на меѓусебните односи и да постигнат win-win решение. Не постои сомнеж дека медијацијата како метод за алтернативно решавање на спорови им нуди на странките низа поволности. Прашањето кое што се поставува е: Кои видови спорови се медијабилни односно погодни за решавање со медијација? Не постои емпириско истражување како потврда на тврдењето дека за решавање на точно определени спорови, најподобен метод е медијацијата. Целта на овој труд е да ја анализира разликата меѓу државите на европско-континенталниот правен систем и англо-саксонскиот правен систем во однос на истражуваното прашање. Резултатите во овој труд се добиени преку анализа на правни и политички документи, како и стручна литература и студии поврзани со истражуваното прашање.
КЛУЧНИ ЗБОРОВИ:
медијација, спор, медијабилни, алтернативно решавање на
спорови.