Април 2021
Наслов:АРБИТРАЖНА КЛАУЗУЛА ВО ДВОСТРАНИТЕ ДОГОВОРИ ЗА СТРАНСКИ ИНВЕСТИЦИИ
Автор: Мирјана Ристовска ,Правен факултет – Кичево,Универзитет „Св. Климент Охридски“ – Битола
УДК број:341.632:339.727.22(497.7)
ISSN (принт) 1857-9299
ISSN (онлајн) 1857-9302
АПСТРАКТ:
Меѓународната правна рамка за регулирање на странските
инвестиции се состои од широка мрежа на меѓународни договори за странски
инвестиции – International Investment Agreements (IIAs), кои може да бидат
двострани договори за странски инвестиции – Bilateral Investment Treaties –
BIT (договори меѓу две држави кои содржат реципрочни права и обврски)
и повеќестрани договори за странски инвестиции – Multilateral Investment
Treaties – MIT, кои се во согласност со општите правила на меѓународното право.
Меѓународните договори за странски инвестиции се примарните меѓународно
– правни инструменти со кои се предвидува промоција и заштита на странските
инвестиции. Уникатноста на мрежата на меѓународни договори за странски
инвестиции е производ на историската еволуција, почнувајќи од Срдениот век,
преку доцниот деветнаесетти и раниот дваесетти век.
Предмет на овој труд ќе биде, пред се, анализа на начините на решавање на
настанатите спорови според меѓународните двострани договори за странски
инвестиции. Акцентот ќе биде ставен врз арбитражните клаузули содржани во
договорите за странски инвестиции, односно ќе биде разгледана арбитражата
како начин на решавање на инвестиционите спорови.
КЛУЧНИ ЗБОРОВИ:
двострани договори, инвестиции, арбитража
