Април 2021
Наслов:ЕКО-ИНДУСТРИСКИТЕ ПАРКОВИ ЕФЕКТИВНА АЛАТКА ЗА ОСТВАРУВАЊЕ ИНКЛУЗИВЕН И ОДРЖЛИВ ИНДУСТРИСКИ РАЗВОЈ
Автор: Синиша Цветковиќ, Мартин Ѓорѓиев, Меѓународен Славјански Универзитет
УДК број: 502.15:711.554
ISSN (принт) 1857-9299
ISSN (онлајн) 1857-9302
АПСТРАКТ: Трансформацијата и редизајнирањето на индустрискиот сектор е од
суштинско значење за остварување на заложбите за намалувања на интензитетот
на искористување на ресурсите, намалување на емисиите на штетни гасови
и искористување на отпадот од деловните процеси, со што би се постигнал
одржлив економски раст и подобрувања во заштитата на животната средина.
Во трудот е презентирана општата меѓународна рамка за имплементација на
еко-индустриските паркови како корисно упатство и алатка за градење на
институционалните капацитети во оваа област. Целта на трудот е да го промовира
концептот на инклузивен и одржлив индустриски развој како и да даде поддршка
и придонес кон идејата за креирање на нови еко-индустриски паркови, заради
подобрување на еколошките перформанси, продуктивноста на ресурсите и
социјалната благосостојба во пошироката општествена заедница.
КЛУЧНИ ЗБОРОВИ: еко-индустриски паркови, инклузивност, одржливост,
економски раст и развој
