Април 2021
Наслов:ВЛИЈАНИЕ НА ФАКТОРИТЕ НА БЕЗБЕДНА КЛИМА ВРЗ БЕЗБЕДНОТО ОДНЕСУВАЊЕ
Автор: Слободан Бундалевски,Цветанка Митревска,Невена Груевска, Меѓународен Славјански Универзитет
УДК број:331.45:303.712
ISSN (принт) 1857-9299
ISSN (онлајн) 1857-9302
АПСТРАКТ: Заедничката перцепција на вработените во однос на организациските
политики, процедури и практики, поврзани со вредностите и важноста на
безбедноста во рамките на организациите, го претставува концептот за безбедна
клима, додека безбедното однесување се сите тековни однесувања на поединците
при извршување на својата работа. Во овој труд се претставени разликите помеѓу
организациите чии вработени манифестираат различно ниво на безбедно
однесување при извршување на работните задачи, во однос на степенот на
застапеност на факторите на безбедна клима. Факторите на безбедна клима се:
посветеност на безбедноста при управување со работата, доделување овластувања
за безбедност при работа, праведност во управувањето, посветеност на вработените
за безбедност при работа, давање приоритет на безбедноста и отсуството на
прифаќање на ризикот кај вработените, учење, комуникација доверба, доверба
во ефикасноста на системите за безбедност при работа. Статистичката анализа
покажа дека постои разлика помеѓу организациите чии вработени манифестираат
различно ниво на безбедно однесување при извршување на работните задачи, во
однос на степенот на застапеност на факторите на безбедна клима.
КЛУЧНИ ЗБОРОВИ: Фактори на безбедна клима, безбедно однесување, грешки